«Pračnulisia ad vybuchaŭ i społachaŭ, dumali — vajna». Što kažuć žychary Homiela pra zdareńnie ŭ Ziabraŭcy
U noč z 10 na 11 žniŭnia žychary paŭdniovych rajonaŭ Homiela i navakolnych viosak čuli huki, padobnyja da vybuchaŭ, i bačyli społachi na niebie.
Što bačyli i čuli žychary Homiela, pacikaviłasia «Radyjo Svaboda».
«Ja pračnuŭsia ad mocnych hukaŭ i spačatku padumaŭ, što heta hrom. Ale zrazumieŭ, što nie. Było čuvać vybuchi, heta było ad 00:25—00:30 nočy, dakładna nie ŭ 23:00, jak piša Ministerstva abarony. Kala druhoj hadziny nočy byli inšyja huki — padobna na toje, što ŭźlatajuć viertaloty», — raskazaŭ žychar Homiela.
«Ja padumała, što heta hrom. Navat pravieryła ŭ servisie nadvorja. Ale nijakaha hromu nie było, byli huki mienavita vybuchaŭ», — raspaviała žycharka homielskaha pradmieścia.
Žychary Navabielickaha rajona Homiela pišuć u sacyjalnych sietkach, što nie vierać u viersiju zaharańnia techniki.
«U domie šyby dryželi, jakoje zaharańnie?» — napisała žycharka Navabielicy.
Ludzi pišuć, što ŭnačy čuli da vaśmi vybuchaŭ.
Unačy čulisia šmatlikija vybuchi ŭ rajonie aeradroma «Ziabraŭka» pad Homielem. Minabarony: Adbyłosia ŭzharańnie techniki
https://nashaniva.com/ru/297188