Śpikier pavietranych siłaŭ USU: Biełaruskija partyzany nadzvyčaj dobra dapamahajuć Ukrainie
Ukrainskija ŭzbrojenyja siły raźličvajuć na padtrymku biełaruskich partyzanaŭ. Pra heta «Biełsatu» zajaviŭ śpikier kamandavańnia pavietranych siłaŭ USU Juryj Ihnat, kamientujučy infarmacyju pra vybuchi na vajskovym aeradromie «Ziabraŭka» kala Homiela.
Juryj Ihnat
«My viedajem, što jany nadzvyčaj dobryja, razumnyja i kiemlivyja ludzi, jakija ŭžo nadzvyčaj dobra dapamahajuć našaj dziaržavie, Uzbrojenym siłam Ukrainy. I my tolki dziakujem bratniamu biełaruskamu narodu, jaki dapamoža Ukrainie pieramahčy akupantaŭ i vyhnać ich z našaj ziamli. I z vašaj taksama», — adznačyŭ Juryj Ihnat.
Tym nie mienš, zajaviŭ śpikier, pakul adnosna situacyi ŭ Ziabraŭcy varta daviarać aficyjnaj infarmacyi Ministerstva abarony Ukrainy, jak i ŭ vypadku sa źniščeńniem rasijskich samalotaŭ u krymskaj Navafiodaraŭcy.
