U novym navučalnym hodzie skarociać hadziny na zamiežnyja movy, pavialičać na ruskuju i biełaruskuju
Pavodle słoŭ dyrektarki Nacyjanalnaha instytuta adukacyi Valancina Hinčuk, u novym navučalnym hodzie školnikam ź dziasiatych i adzinaccatych kłasaŭ dadaduć hadzin pa moŭnych pradmietach — na paŭhadziny na tydzień pavialičycca vyvučeńnie ruskaj i biełaruskaj moŭ.
Fota: myseldon.com
U ličbach heta budzie vyhladać tak: u 10 i 11 kłasach biełaruskich škoł na vyvučeńnie biełaruskaj i ruskaj moŭ adviaduć 53 hadziny zamiest 35, jak było raniej.
Pry hetym pašyreńnie tearetyčnaj častki pry vyvučeńni hetych pradmietaŭ nie praduhledžvajecca.
A voś zamiežnaj movy ŭ novym navučalnym hodzie stanie mienš na adnu akademičnuju hadzinu. U novym navučalnym hodzie skarociać abjom aktyŭnaha i pasiŭnaha leksičnaha minimumu pry vyvučeńni zamiežnych moŭ. Dla školnikaŭ taksama buduć vyklučanyja niekatoryja kamunikatyŭnyja zadačy na ŭrokach pa zamiežnych movach.