Zialenski zaklikaŭ krainy Zachadu zabaranić ujezd dla ŭsich rasijan
Prezident Ukrainy Uładzimir Zialenski ličyć, što zachodnim krainam varta zakryć ujezd dla ŭsich rasijan i vysłać tych, jakija ŭžo prybyli, kab procidziejničać vajnie.
Takoje mierkavańnie jon vykazaŭ u intervju haziecie The Washington Post.
«Rasijanie pavinny žyć u svaim śviecie da taho času, pakul nie źmieniać svaju fiłasofiju», — zajaviŭ Zialenski.
Prezident Ukrainy ličyć, što zabaranić ujezd u zachodnija krainy treba navat tym rasijanam, chto źjechaŭ z krainy i vystupiŭ suprać dziejańniaŭ uładaŭ: «Jakija b ni byli ruskija… chaj jeduć u Rasiju». Na dumku Zialenskaha, adkaznaść za pačatak vajny niasie ŭsio nasielnictva Rasii.
«Nasielnictva abrała hetuju ŭładu i nie zmahajecca ź joj, nie spračajecca ź joj, nie kryčyć na jaje. Idzicie i žyvicie tam. Tolki tak možna paŭpłyvać na Pucina», — skazaŭ jon.
Jon adznačyŭ, što zakryćcio miežaŭ stanie «samaj važnaj sankcyjaj» — choć by na hod. Taksama važnaj sankcyjaj stanie poŭnaje embarha na zakupki rasijskich enierhanośbitaŭ.
