Amnesty International paprasiła prabačeńnia za svoj dakład pa Ukrainie
Arhanizacyja Amnesty International pryniesła prabačeńni za toje, što jaje dakład ab taktycy viadzieńnia bajavych dziejańniaŭ ukrainskimi vajskoŭcami vyklikaŭ «tryvohu i hnieŭ». Pra heta havorycca ŭ liście, jaki atrymała ad mižnarodnaj pravaabarončaj arhanizacyi ahienctva Reuters.
Pry hetym u arhanizacyi padkreślili, što całkam padtrymlivajuć zroblenyja raniej vysnovy, adznačyŭšy, što dla ich «pryjarytetam u hetym i lubym inšym kanflikcie źjaŭlajecca zabieśpiačeńnie abarony cyvilnych asob».
Amnesty International taksama paviedamiła, što vyjaviła ŭkrainskija siły pobač z cyvilnymi damami ŭ 19 ukrainskich haradach i vioskach, jakija jana naviedała. Tym samym bajcy padviarhali ich ryzycy abstrełu z boku Rasii.
U arhanizacyi adznačyli, što toje, što jany zarehistravali parušeńni z boku USU, ale heta nijak nie apraŭdvaje dziejańni rasiejskich siłaŭ.
Dakład Amnesty International byŭ padvierhnuty žorstkaj krytycy va Ukrainie i na Zachadzie. Dyrektarka ŭkrainskaha ofisa Amnesty Aksana Pakalčuk zvolniłasia na znak pratestu. Arhanizacyju abvinavačvali ŭ karupcyi, zakaznym charaktary dakładu, nieabjektyŭnaści i pryraŭnoŭvańni achviary ahresii da ahresara.
Prezident Ukrainy Uładzimir Zialenski nazvaŭ publikacyju «amaralnaj vybarkaj», a Uzbrojenyja siły Ukrainy pazbavili Amnesty International akredytacyi.
Čytajcie taksama:
Amnesty International abvinavaciła Ukrainu ŭ raźmiaščeńni techniki ŭ žyłych rajonach
