Pieršy karabiel z ukrainskim zierniem dajšoŭ da Turcyi
Ministerstva abarony Turcyi ŭ aŭtorak viečaram paćvierdziła prybyćcio zbožžavoza RAZONI z ukrainskim chlebam. Heta pieršaje sudna, jakoje adpraviłasia ŭ darohu paśla «zbožžavaha pahadnieńnia» pamiž Ukrainaj, Turcyjaj, AAN i Rasijaj.
Suchahruz RAZONI. Fota ilustratyŭnaje
«Suchahruz RAZONI, zahružany ŭ Adesie, učora adpraviŭsia z ukrainskaha porta, dasiahnuŭ uvachodu ŭ Čornaje mora z praliva Basfor i staŭ na jakar u vyznačanym miescy prybyćcia», — — havorycca ŭ paviedamleńni Minabarony Turcyi.
Ciapier karabiel Razoni, jaki płavaje pad ściaham Sjera-Leone, pavinien prajści inśpiekcyju ahulnaj kantrolnaj hrupaj, u jakuju ŭvachodziać rasijskija i ŭkrainskija aficyjnyja asoby. Kaardynacyjny centr u Stambule adkazvaje za inśpiekcyju.
Paśla ahladu sudna pavinna dastavić hruz z 26 tysiačami ton kukuruzy ŭ port Trypali ŭ Livanie.
Hety zierniavoz — pieršy, jaki z pačatku poŭnamaštabnaha rasijskaha ŭvarvańnia va Ukrainu adpraviŭsia z Adeskaha porta.
kukuruza - heta ŭkrainski chleb?
a našuju hetuju karmavuju dla s:vińniej, što paŭtary hadziny vary, što piać, jana c:viordaja, jak kamień