Łukašenka patłumačyŭ padtrymku Rasii ŭ vajnie suprać Ukrainy kryŭdaj na sankcyi
Alaksandr Łukašenka padčas naviedvańnia Miadzielskaha rajona patłumačyŭ svaju padtrymku rasijskaj ahresii suprać Ukrainy.
Fota: President.gov.by
Łukašenka adznačyŭ, što va ŭkrainskich resursach ahučvajuć pretenzii na adras biełaruskaha boku:
«Voś, my na Łukašenku malilisia… A voś jak jon moh pastupić?! Mianie ž tam jak ahresara padajuć va Ukrainie».
«A ja tak rezka reahuju: a jak vy mahli abviaścić nam ekanamičnuju vajnu pry našaj pazicyi tahačasnaj, da vajny? My ž pravodzili družalubnuju, miralubnuju pazicyju. My ž ukraincaŭ padtrymlivali dzie tolki mahli. Suprać nas ekanamičnyja sankcyi ŭviali, zakryli nieba i inšaje. I pačali nas dziaŭbać pa ŭkazcy amierykancaŭ. A ciapier zakryčali: «Voś, my na Łukašenku malilisia, a jak jon moh pastupić?! Dyk vy pahladzicie, jak vy pastupili da hetaj rasijskaj vajennaj apieracyi. Dyk u mianie jašče chapaje ciarpieńnia, jašče čahości», — zaznačyŭ Łukašenka.
