Pry Sajuzie strałkoŭ Litvy stvoranaje padraździaleńnie dla zamiežnikaŭ, tam buduć i biełarusy
Na pasiadžeńni Litoŭskaha kłuba pry Sajuzie strałkoŭ u Kaŭnasie 30 lipienia było pryniataje rašeńnie ab stvareńni mižnarodnaha padraździaleńnia, u jakoje ŭvojduć zamiežniki, u tym liku i biełarusy, paviedamlaje «Biełsat».
Pasiadžeńnie Sajuza strałkoŭ Litvy.
Padraździaleńnie budzie dziejničać jak filijał pry Sajuzie strałkoŭ Litvy.
Saŭlus Pečalunas, były siabra Siejma, źviarnuŭ uvahu na supolnuju historyju biełarusaŭ i litoŭcaŭ.
«Duša Vialikaha Kniastva Litoŭskaha jana žyvaja, našy narody vielmi adčuvajuć blizkaść pamiž saboj u ciažkich situacyjach. U 1920 hodzie byŭ ceły biełaruski bataljon u našym vojsku, jaki zmahaŭsia za niezaležnaść u bajach z balšavikami. Takoje padraździaleńnie było, my jaho pamiatajem. Heta historyja, jakaja ŭ niekatorych inšych prajavach viartajecca. Jana nikudy nie padziełasia, hetaja histaryčnaja pamiać jana ŭsio ž isnuje, treba hetym karystacca, heta naš zdabytak», — zajaviŭ Saŭlus Piečalunas.