U Rasii spyniŭsia najbujniejšy zavod pa vytvorčaści druhasnaha śvincu
Padmaskoŭny zavod «Frehat» pa vytvorčaści druhasnaha śvincu prypyniŭ pracu. Pra heta raspaviali krynicy «Kommiersanta»; infarmacyju paćvierdzili na samim pradpryjemstvie.
Fota: TASS
Pryčynaj spynieńnia stała adsutnaść licenzii na ekspart śvincu. Ź siaredziny maja na takuju dziejnaść treba atrymlivać razavyja licenzii (urad uvioŭ ich, kab paźbiehnuć deficytu śvincu na ŭnutranym rynku), adnak pakul Minpramhandal nie vydaŭ nivodnaj.
«Pakul prypynieńnie pracy raźličanaje na adzin miesiac. Budziem hladzieć, što budzie dalej ź licenzavańniem. Budziem šukać rynki zbytu», — zajavili na «Frehacie».
Usiaho ŭ Rasii śviniec vypuskajuć niekalki dziasiatkaŭ zavodaŭ. Ciapier častka pradpryjemstvaŭ znachodzicca na miažy poŭnaha spynieńnia, niekatoryja syšli na pazapłanavy ramont.
