Kiraŭniki MZS Finlandyi i Šviecyi padpisali pratakoły ab ustupleńni ŭ NATA
Svaje podpisy pastavili taksama pradstaŭniki ŭsich 30 krain-čalcoŭ, paviedamiła štab-kvatera paŭnočnaatłantyčnaha aljansa.
Ministry zamiežnych spraŭ Finlandyi i Šviecyi Pieka Chaavista i An Linde padpisali ŭ štab-kvatery NATA pratakoły ab ustupleńni ŭ aljans. Dakumienty taksama byli padpisanyja hienieralnym sakratarom NATO Jensam Stołtenbierham, jaki nazvaŭ padzieju histaryčnaj i padkreśliŭ, što dźviery aljansa zastajucca adčynienymi dla demakratyčnych dziaržaŭ Jeŭropy.
Pieka Chaavista adznačyŭ, što Finlandyja čakaje chutkaha pracesu ratyfikacyi. An Linde nazvała padpisańnie pratakołaŭ važnym krokam na šlachu da paŭnavartasnaha ŭdziełu ŭ NATA.
Finlandyja i Šviecyja stanuć siabrami NATA tolki paśla taho, jak nieabchodnyja dla hetaha dakumienty ratyfikujuć usie krainy, jakija ŭvachodziać u aljans.