«Kommiersant»: Biełaruś pačała adhruzki kaliju praz rasijskija party, ale pa dempinhavych cenach
Vydańnie śćviardžaje, što «Biełaruśkalij» zaklučyŭ damovu na pieravałku 2 młn ton kaliju da kanca 2023 hoda ŭ kantejnierach z apierataram «Kistoŭn Ładžyściks» praz dva terminały ŭ Sankt-Pieciarburhu i adzin va Uładzivastoku.
Taksama krynicy «Kamiersanta» paviedamlajuć, što Biełaruś u červieni adhruziła 120 tysiač ton kaliju u Kitaj praz rasijskuju čyhunku.
Pa słovach ekśpiertaŭ haziety, pastaŭki biełaruskaj kampanii škodziać kankurentam (u tym liku i rasijskim), bo «Biełaruśkalij» dempinhuje, pradajučy svaju pradukcyju sa źnižkami 30-50%, kab pavialičyć adhruzki.
Prablemy ŭ biełaruskaha vytvorcy ŭhnajeńniaŭ pačalisia paśla ŭklučeńnia ŭ sankcyjny śpis ZŠA i ES. Z 1 lutaha Litva, praź jakuju šła pieravałka bolšaj častcy biełaruskaha kaliju, spyniła tranzit praz svaju terytoryju
