Hramadzianam Polščy z 1 lipienia dazvolili biaźvizavy ŭjezd u Biełaruś
Dziaržaŭny pamiežny kamitet paviedamiŭ, što «ŭ metach padtrymańnia dobrasusiedskich adnosin» Łukašenka ŭvioŭ časovy biaźvizavy režym dla hramadzian Polščy. Novaŭviadzieńnie budzie dziejničać z 00 hadzin 1 lipienia pa 31 śniežnia ŭklučna.
Tłumačycca, što hramadzianam Polščy možna budzie pierasiakać miažu bieź vizy ŭ punktach propusku na biełaruska-polskim učastku miažy. Taksama im budzie dazvolena naviedvańnie pamiežnaj zony biez propusku. Pry ŭjeździe ŭ Biełaruś u punkcie propusku dastatkova budzie vusna paviedamić supracoŭniku orhanaŭ pamiežnaj słužby ab namiery naviedać pamiežnuju zonu z paznačeńniem nasielenych punktaŭ i mety ich naviedvańnia.
Dla biaźvizavaha ŭjezdu ŭ Biełaruś palakam nieabchodna budzie pradjavić tolki sapraŭdny dakumient dla vyjezdu za miažu, zialonuju kartu (pry ŭjeździe na mašynie), a taksama mieć pry sabie miedycynskuju strachoŭku. PŁR-test ci siertyfikat ab vakcynacyi nie patrabujucca.
Raniej biaźvizavy režym byŭ uviedzieny taksama dla hramadzian Litvy i Łatvii.
