DPK: Dva čałavieki sprabavali niezakonna trapić va Ukrainu
Dziaržpamiežkamitet paviedamlaje, što napiaredadni kala ŭkrainskaj miažy zaŭvažyli dvuch mužčyn, jakija, napeŭna, sprabavali niezakonna pierabracca va Ukrainu. Adnamu heta, mahčyma, udałosia, druhoha zatrymali.
U viedamstvie raspaviali, što 29 červienia pablizu miažy z Ukrainaj narad pamiežnikaŭ zaŭvažyŭ dvaich nieviadomych. Mužčyny nie reahavali na kamandy spynicca i sprabavali schavacca ŭ lesie. Adnaho ź ich zatrymali ŭ pamiežnaj pałasie.
— Vyraznych tłumačeńniaŭ adnosna mety znachodžańnia pablizu miažy zatrymany dać nie zmoh — paviedamili ŭ viedamstvie.
Druhi parušalnik, mahčyma, zdoleŭ niezakonna pierasiačy miažu i trapić va Ukrainu, miarkujuć u Dziaržpamiežkamitecie.
U ciapierašni čas pravodziacca mierapryjemstvy pa vyśviatleńni ŭsich abstavinaŭ.
