Termin adklučeńnia haračaj vady ŭ Minsku mohuć skaracić da 10 dzion
U Biełarusi imknucca da kanca ciapierašniaj piacihodki skaracić terminy płanavaha adklučeńnia haračaj vady da 10 dzion. Pra heta padčas sustrečy z kalektyvam «Minskzielanbuda» paviedamiŭ ministr žyllova-kamunalnaj haspadarki Andrej Chmiel, paviedamlajuć Minsk-naviny.
Fota: pixabay.com
Jon nahadaŭ, što raniej terminy płanavaha adklučeńnia haračaj vady ŭ krainie składali try tydni, z časam hety pieryjad skaraciŭsia da 14 dzion, u apošnija hady jon składaje 13 dzion.
— Upeŭnieny, što za košt ukaranieńnia novych mietadaŭ i technałohij pry absłuhoŭvańni ciepłasietak da kanca piacihodki zmožam vyjści na termin adklučeńnia ŭ 10 dzion. Takaja zadača staić. Całkam syści ad płanavych adklučeńniaŭ nie atrymajecca, pakolki ciepłasietki pavinny prachodzić vyprabavańni dla ich padrychtoŭki da nadziejnaj pracy ŭ aciaplalny pieryjad, — skazaŭ A. Chmiel.
