Limit dla pasyłak u 22 jeŭra admianiajecca
Limity pavysili jašče ŭ krasaviku hetaha hoda, a ciapier źmieny ŭnieśli ŭ pastanovu Saŭmina «Ab mierach pa realizacyi Damovy ab Mytnym kodeksie Jeŭrazijskaha ekanamičnaha sajuza». U Saŭminie prakamientavali Onliner, što heta čysta techničnaja papraŭka dla taho, kab pryvieści zakanadaŭstva ŭ adpaviednaść z novymi normami.
Ciapier zapoŭnić elektronnuju dekłaracyju na pasyłku pryjdziecca, tolki kali jaje ahulny košt, vaha abo kolkaść tavaraŭ pierasiahnuć limity, jakija ŭstanaviła Jeŭrazijskaja ekanamičnaja kamisija (JEEK).
JEEK raniej pavialičyła dla fizičnych asob limity koštu zamiežnych pasyłak, jakija nie buduć abkładacca mytnymi pošlinami. Ciapier zamiest 22 jeŭra — 1000 jeŭra. Vaha biaspošlinnych pasyłak taksama ŭzrasła z 10 da 31 kiłahrama.
