Saviet Respubliki ŭchvaliŭ zakon ab zavočnych sudach
Saviet Respubliki siońnia čakana ŭchvaliŭ źmieny ŭ Kryminalna-pracesualny kodeks. Raniej jany byli ŭ dvuch čytańniach pryniaty Pałataj pradstaŭnikoŭ, paviedamlaje Reform.by.
Źmieny dazvolać pravodzić u Biełarusi zavočnaje śledstva ŭ dačynieńni da asob, jakija znachodziacca za miažoj, a ŭ dalejšym pieradavać kryminalnyja spravy ŭ sudy.
Zakonaprajekt praduhledžvaje źjaŭleńnie ŭ KPK śpiecyjalnaj vytvorčaści. Jana mahčyma, kali abvinavačany ŭchilajecca ad jaŭki ŭ orhan, jaki viadzie rasśledavańnie, u jaho vydačy admoŭlena, albo na praciahu šaści miesiacaŭ nie atrymany adkaz na zapyt ab vydačy. Pastanovu ab pačatku vytvorčaści zmohuć vydavać hienprakuror, albo staršyni SK, KDB sa zhody hienprakurora.
Akramia taho, u KPK unosiacca źmieny ŭ śfiery vytvorčaści pa pierahladu prysudaŭ, aznačeńniaŭ, pastanoŭ, jakija nie ŭstupili ŭ zakonnuju siłu (apielacyjnaja vytvorčaść) i vytvorčaści pa pierahladu prysudaŭ, jakija ŭstupili ŭ zakonnuju siłu, aznačeńniaŭ, pastanoŭ (nahladnuju vytvorčaść).
Zaraz dla ŭstupleńnia ŭ siłu zakon zastajecca padpisać Alaksandru Łukašenku.
