Ciažkaja ranica ŭ Kramienčuhu: nadziei dastać žyvych z-pad zavałaŭ amal niama
Ratavalnyja pracy na miescy źniščanaha rasijskaj rakietaj handlovaha centra ŭ Kramienčuhu praciahvalisia ŭsiu noč, ale, jak pieradaje ź miesca karespandent BBC, nadziei na vyratavańnie kahości amal niama.
Apieracyja pierachodzić da stadyi dastavańnia ciełaŭ.
«Bolšaja častka dachu abvaliłasia, pakinuŭšy asmalenuju i skryŭlenuju abałonku», — pieradaje žurnalist ź miesca padziej.
Aficyjnaja statystyka nastupstva rasijskaj rakietnaj ataki — 18 zahinułych, 59 paciarpiełych i dziasiatki źnikłych bieź viestak. U horadzie abviaścili trochdzionnuju žałobu.
Tym časam Minabarony Rasii zajaviła, što pavietrana-kaśmičnyja siły RF nanieśli ŭ Kramienčuhu ŭdar pa «anharach z uzbrajeńniem i bojeprypasami, jakoje pastupiła ad ZŠA i jeŭrapiejskich krain»
Jak śćviardžaje viedamstva, pažar u HC, jaki nibyta nie pracavaŭ, zdaryŭsia ŭ vyniku detanacyi hetych bojeprypasaŭ.
