NATA pavialičyć kolkaść siłaŭ chutkaha reahavańnia z 40 da 300 tysiač
NATA pavialičyć kolkaść siłaŭ chutkaha reahavańnia amal u vosiem razoŭ — da 300 tysiač vajskoŭcaŭ. Pra heta zajaviŭ 27 červienia hienieralny sakratar arhanizacyi Jens Stołtenbierh. Na siońnia siły reahavańnia NATA składajuć kala 40 tysiač vajskoŭcaŭ.
Jak paviedamlaje «Bi-Bi-Si», buduć pryniatyja i inšyja miery, jakija ŭklučajuć śpiecyjalnaje razhortvańnie sił dla abarony kankretnych sajuźnikaŭ. Stołtenbierh padkreślivaje, što heta «najbujniejšy pierahlad sistemy kalektyŭnaj abarony i strymlivańnia z časoŭ chałodnaj vajny». Pryčyny viadomyja — ahresiŭnaja palityka Rasii i raźviazanaja joj vajna va Ukrainie.
Pa słovach Stołtenberha, na samicie aljansu ŭ Madrydzie, jaki projdzie na hetym tydni, krainy-ŭdzielnicy prymuć novuju daktrynu biaśpieki, u jakoj Rasija budzie pryznanaja nie partnioram arhanizacyi, a pahrozaj.
Akramia taho, na kanfierencyi abmiarkujuć pytańni ŭzmacnieńnia hrupoŭki «na vypadak uźniknieńnia kanfliktu».
Raniej, u kancy sakavika, kiraŭnictva Paŭnočnaatłantyčnaha aljansu padvoiła kolkaść vajskoŭcaŭ u Bałharyi, Vienhryi, Rumynii i Słavakii.
