U DTZ pad Asipovičami zahinuŭ piešachod, kiroŭca ŭciok ź miesca zdareńnia
U DTZ pad Asipovičami zahinuŭ 38-hadovy žychar Žodzina, a kiroŭca ŭciok ź miesca zdareńnia, paviedamlaje pres-słužba Śledčaha kamiteta.
Cieła mužčyny z charakternymi dla aŭtanajezdu traŭmami było znojdzienaje minułaj nočču na darozie M5 pablizu vioski Cel. Śledča-apieratyŭnaja hrupa praviała ahlad miesca zdareńnia, źniatyja ślady i abjekty, zafiksavanaja śledavaja karcina.
Kiroŭcu nieŭzabavie zatrymali. Im akazaŭsia 38-hadovy žychar Śvietłahorska. Znachodziačysia za rulom aŭtamabila Lexus, apoŭnačy na 87-m kiłamietry darohi Minsk — Homiel jon źbiŭ mužčynu na prajeznaj častcy.
Asipovicki rajadździeł SK uzbudziŭ kryminalnuju spravu ab parušeńni PDR, jakoje paciahnuła pa nieaściarožnaści śmierć čałavieka pa č. 2 art. 317 KK. Z kiroŭcam pravodziacca śledčyja dziejańni.