Džonsan Makronu: Nie treba załahodžvać Pucina, heta tolki daść jamu licenziju na manipulavańnie
Premjer-ministr Vialikabrytanii Borys Džonsan zajaviŭ prezidentu Francyi Emanuelu Makronu, što ciapier lubaja sproba ŭrehulavać kanflikt dypłamatyčnymi srodkami pryviadzie tolki da ŭzmacnieńnia niestabilnaści ŭ śviecie. Pra heta paviedamlajecca na sajcie brytanskaha ŭrada.
Borys Džonsan i Emanuel Makron. Fota: EPA
Džonsan pravioŭ sustreču z Makronam siońnia, 26 červienia, na samicie G7 u Niamieččynie. Jany abmiarkoŭvali, u pryvatnaści, vajnu Rasii suprać Ukrainy.
Džonsan padkreśliŭ, što lubaja sproba ŭrehulavać kanflikt ciapier pryviadzie tolki da praciahłaj niestabilnaści i daść rasijskamu dyktataru Uładzimiru Pucinu «licenziju na manipulavańnie jak suvierennymi dziaržavami, tak i mižnarodnymi rynkami nazaŭždy».
Lidary Brytanii i Francyi syšlisia ŭ mierkavańni, što ciapier adbyvajecca krytyčny momant kanfliktu i jość mahčymaść pierałamać chod vajny. Džonsan i Makron padkreślili nieabchodnaść padtrymlivać Ukrainu, kab umacavać jaje pazicyi jak u vajnie, tak i ŭ lubych budučych pieramovach.