Ź imitacyjaj padryvu naftabazy i zatrymańniem dyviersantaŭ: u paniadziełak projduć vučeńni MNS
27 červienia ŭ Biełarusi projduć taktyka-śpiecyjalnyja vučeńni pa likvidacyi nadzvyčajnych situacyj technahiennaha charaktaru, paviedamlaje pres-słužba MNS. Adpracoŭka elemientaŭ budzie prachodzić na 11 placoŭkach. Vučeńni adbuducca ŭ pasiołku Śvietły Haj Barysaŭskaha rajona. Ad MNS budzie zadziejničana 215 čałaviek. Taksama siarod udzielnikaŭ zajaŭlenyja supracoŭniki AMAP, SACHR, DAI.
Na placoŭkach adpracujuć:
— zatrymańnie dyviersijnaj hrupy supracoŭnikami AMAP;
— tušeńnie pažaru na transfarmatarnaj padstancyi i susiedniaha budynka;
— pryjomy alpinizmu na skaładromie;
— antyterarystyčnuju apieracyju supracoŭnikami SACHR;
— ratavalnyja pracy i tušeńnie pažaraŭ u razburanych budynkach i zbudavańniach;
— spynieńnie padraździaleńniami DAI UUS Minskaha abłvykankama sproby pieravozki niebiaśpiečnych radyjeaktyŭnych rečyvaŭ;
— avaryjna-ratavalnyja pracy pry DTZ aŭtamabila, jaki pieravozić krynicy ianizujučaha vypramieńvańnia;
— spynieńnie sproby niezakonnych dziejańniaŭ uzbrojenych asob;
— avaryjna-ratavalnyja raboty na vodnaj akvatoryi;
— imitacyja padryvu naftabazy varožych bieśpiłotnikaŭ;
— tušeńnie pažaru ŭ reziervuarnym parku zachoŭvańnia śvietłych naftapraduktaŭ;
— tušeńnie pažaru rektyfikacyjnaj kałony;
— tušeńnie lasnych pažaraŭ z užyvańniem avijacyi MNS;
— likvidacyja nastupstvaŭ avijacyjnaha terarystyčnaha zdareńnia;
— vyzvaleńnie zakładnikaŭ, niejtralizacyja ŭzbrojenych złačyncaŭ, jakija znachodziacca ŭ aŭtobusie;
— likvidacyja nastupstvaŭ DTZ;
— dziejańni pry praviadzieńni avaryjna-ratavalnych rabot pa likvidacyi nastupstvaŭ nadzvyčajnaj situacyi z najaŭnaściu niebiaśpiečnych chimičnych rečyvaŭ na čyhunačnym transparcie.
