Amierykanskija reaktyŭnyja sistemy załpavaha ahniu HIMARS užo prybyli va Ukrainu
Ukraina atrymała amierykanskija RSZA HIMARS. Pra heta paviedamiŭ ministr abarony Ukrainy Alaksiej Reźnikaŭ.
Fota: AR
Jon padziakavaŭ svajmu amierykanskamu kalehu Łojdu Ościnu i paabiacaŭ haračaje i apošniaje leta dla rasijskich akupantaŭ.
HIMARS — amierykanskaja vysokamabilnaja reaktyŭnaja sistema załpavaha ahniu, raspracavanaja ŭ kancy 90-ch hadoŭ.
Hetaja RSZA pryznačanaja dla paražeńnia rajonaŭ kancentracyi artyleryjskich sistem, srodkaŭ SPA i ahniavoj padtrymki, hruzavoha transpartu, bajavych mašyn i bronietransparcioraŭ, a taksama dla akazańnia ahniavoj padtrymki svaim padraździaleńniam.
Sistema moža stralać kiravanymi i niekiravanymi rakietami. Maksimalnaja dalokaść składaje 300 km. ZŠA zajaŭlali, što dalokaść HIMARS, jakija pastaŭlajucca Kijevu, nie budzie pieravyšać 80 kiłamietraŭ.
ZŠA adobryli pradastaŭleńnie 108 haŭbic HIMARS i MLRS. Kolki Ukraina atrymała, nie paviedamlajecca.
