Palitviaźniu Paŭłu Piaskovu dadali jašče hod źniavoleńnia
U sudzie Babrujska i Babrujskaha rajona 14 červienia pačaŭsia razhlad kryminalnaj spravy suprać palitźniavolenaha maładziečanca Paŭła Piaskova, asudžanaha za patasoŭku z amapaŭcami da troch hadoŭ i troch miesiacaŭ kałonii. Pravaabaroncam stała viadoma, što ŭ vyniku Piaskovu prysudzili jašče adzin hod źniavoleńnia, paviedamlaje «Viasna».
Prysud Paŭłu Piaskovu byŭ u svoj čas pieršym palityčna matyvavanym prysudam za padziei 2020 hoda. Termin palitviaźnia adpravili adbyvać u babrujskuju kałoniju № 2, dzie suprać jaho zaviali kryminalnuju spravu pa artykule 411 KK — «złosnaje niepadparadkavańnie patrabavańniam administracyi papraŭčaj ustanovy». Kryminalnuju spravu razhladaŭ sudździa Pavieł Karcinin.
Raniej pravaabaroncam stała viadoma pra cisk administracyi kałonii na Piaskova — jaho rehularna źmiaščali ŭ ŠIZA.
