Hazietu «Biełorusy i rynok» zabaranili ŭ Rasii
U Rasii pryznali zabaronienaj infarmacyju na sajtach Mižnarodnaha francuzskaha radyjo (RFI) i biełaruskaj haziety «Biełorusy i rynok». Adpaviednaje rašeńnie pryniaŭ Kiraŭski rajonny sud Sankt-Pieciarburha, piša «Jeŭraradyjo».
Jak paviedamlaje abjadnanaja pres-słužba sudoŭ Sankt-Pieciarburha, na sajcie byli raskrytyja straty asabovaha składu Uzbrojenych siłaŭ Rasii va ŭkrainskaj vajnie — hetaja infarmacyja ličycca zabaronienaj.
Hazieta «Biełorusy i rynok» padviarhajecca represijam i ŭ Biełarusi. 18 maja byŭ zatrymany i ŭziaty pad vartu dyrektar haziety Kanstancin Załatych. Nakolki viadoma, jaho vinavaciać pa č. 2 art. 130 KK (Raspalvańnie rasavaj, nacyjanalnaj, relihijnaj albo inšaj sacyjalnaj varožaści abo roźni, złučanaje z hvałtam albo ździejśnienaje słužbovaj asobaj z vykarystańniem svaich słužbovych paŭnamoctvaŭ).