U Sievieradaniecku pad kantrolem ukrainskich vajskoŭcaŭ zastaŭsia tolki zavod «Azot»
Bai ŭ Sievieradaniecku ciapier praciahvajucca ŭžo ŭ pramzonie, a ŭkrainskija vojski kantralujuć tolki terytoryju zavoda «Azot», — paviedamiŭ kiraŭnik Łuhanskaj abłasnoj vajennaj administracyi Siarhiej Hajdaj u siońniašniaj viačerniaj zvodcy.
Fota: Telehram-kanał Siarhieja Hajdaja
Pavodle słoŭ Hajdaja, skłałasia vielmi ciažkaja situacyja pa ŭsioj linii Łuhanskaha frontu. Rasijskija vojski pačali «šyrokamaštabny nastup u našaj vobłaści, jany nazapasili dastatkovuju kolkaść reziervaŭ, tamu siońnia ŭ ahni ŭsie svabodnyja nasielenyja punkty vobłaści».
Bai ŭ Sievieradaniecku iduć z kanca maja. Jak i ŭ Maryupali, bajcy USU zamacavalisia ŭ pramzonie, a razam ź imi znachodziacca mirnyja žychary, jakija admovilisia ci nie paśpieli evakujavacca. Takich, pavodle śćviardžeńnia vice-premjerki ŭkrainskaha ŭrada Iryny Vieraščuk, ciapier znachodzicca na «Azocie» kala 300 čałaviek.
