Va Ukrainie zabaranili rasijskuju muzyku ŭ hramadskich miescach
Viarchoŭnaja Rada Ukrainy bolšaściu hałasoŭ pryniała zakon ab zabaronie rasijskaj muzyki ŭ hramadskaj prastory, miedyja i hramadskim transparcie, a taksama pavialičyła kvotu na ŭkrainskuju muzyku ŭ efiry radyjostancyj i telekanałaŭ.
Zakon zabaraniaje publičnaje vykanańnie i tranślacyju tvoraŭ (u tym liku muzyčnych klipaŭ) artystaŭ, u jakich było ci zastajecca rasijskaje hramadzianstva paśla 1991 hoda.
U vypadku parušeńnia hetaj normy teleradyjokampanii buduć abaviazanyja zapłacić štraf u pamiery 10% ad licenzijnaha zboru.
Heta nie zakranie tvorčaść vykanaŭcaŭ, jakija asudzili vajennuju ahresiju Rasii suprać Ukrainy.
Kab patrapić u śpis vyklučeńniaŭ (i, u pryvatnaści, pravodzić hastroli va Ukrainie), zakonaprajekt pradpisvaje achvotnym artystam abo ich pradstaŭnikam padać zajavu pa vyznačanaj formie ŭ Słužbu biaśpieki Ukrainy (SBU).
Razam z zajavaj artysty pavinny buduć padpisać dekłaracyju z asudžeńniem ahresii i patrabavańniem nieadkładna spynić vajnu. Miarkujecca, što śpis vyklučeńniaŭ budzie raźmiaščacca i abnaŭlacca na sajcie SBU.