Daniłaŭ: U Biełarusi ciapier niama stolki siłaŭ i srodkaŭ, kab znoŭ pajści ŭ nastupleńnie na Ukrainu
Sakratar Rady nacyjanalnaj biaśpieki i abarony Ukrainy Alaksiej Daniłaŭ zajaviŭ, što siońnia ŭ Biełarusi nie skancentravana dastatkovaj kolkaści siłaŭ i srodkaŭ dla taho, kab pajści ŭ kontrnastupleńnie na Ukrainu.
«My na siońnia nie bačym, što tam jość zdolnaści, tam jość siły. Tak, tam adbyvajecca navučańnie, peŭnyja pracesy. Ale jašče raz padkreślivaju: naša raźviedka pilna sočyć za ŭsimi hetymi pracesami. My vałodajem infarmacyjaj, što adbyvajecca na terytoryi Biełarusi. My nie bačym takich pahroz, tamu što tam niama dastatkovaj kolkaści siłaŭ i srodkaŭ dla taho, kab raspačać takoje kontrnastupleńnie, jakoje adbyłosia 24 lutaha», — skazaŭ Daniłaŭ.
U toj ža čas Daniłaŭ zaŭvažyŭ, što Łukašenka znachodzicca pad vialikim upłyvam Rasijskaj Fiederacyi:
«Rasija ŭžo faktyčna palityčna akupavała Biełaruś. I kazać pra toje, što heta svabodnaja kraina, — heta vialikaja, skažam tak, dapuščeńnie. My razumiejem toje, što adbyvajecca na hetaj terytoryi. Viedajem pra tyja srodki paražeńnia, jakija na siońnia tam skancentravanyja. Mienavita tamu byŭ dakład našych raźviedak pa hetym pytańni, dakład hałoŭnakamandujučaha, nakolki jon bačyć pahrozu z hetaha boku. Hetaje pytańnie znachodzicca pad pastajannym kantrolem našaha prezidenta. Usio, što adbyvajecca na terytoryi Biełarusi, my na siońnia razumiejem».
