Pamior francuzski akcior Žan-Łui Trencińjan
Na 92-m hodzie žyćcia pamior francuzski akcior Žan-Łui Trencińjan, paviedamlajuć francuzskija ŚMI. Jon zdymaŭsia ŭ kino bolš za 60 hadoŭ.
Trencińjan u maładości chacieŭ stać aŭtahonščykam, ale ŭ vyniku vučyŭsia na jurysta. U 19 hadoŭ syšoŭ z univiersiteta i staŭ brać uroki teatralnaha mastactva.
U 1956 hodzie Trencińjan atrymaŭ šyrokuju viadomaść dziakujučy roli ŭ filmie «I boh stvaryŭ žančynu», dzie jon syhraŭ z aktrysaj Brydžyt Bardo.
Jašče adna z najbolš viadomych jahonych rabot — rola ŭ karcinie «Mužčyna i žančyna», jakaja atrymała Hran-pry Kanskaha kinafiestyvalu i dźvie premii «Oskar» za najlepšy zamiežny film i najlepšy aryhinalny scenar.
Usiaho Trencińjan syhraŭ u bolš čym 130 filmach. Taksama jon sprabavaŭ siabie ŭ jakaści režysiora i scenarysta.
A jašče zachaplaŭsia aŭtahonkami, u 1990-ja kupiŭ vinahradnuju haspadarku. I praciahvaŭ zdymacca ŭ kino až da apošnich hadoŭ.
