Litoŭskaja mytnia ŭzmacniaje kantrol na biełaruskaj miažy: biaźvizavym režymam moža karystacca nielehalny biznes
U pieršyja čatyry miesiacy 2022 hoda litoŭska-biełaruskuju miažu pierasiekli ŭ 4 razy bolš lehkavych aŭtamabilaŭ (usiaho bolš za 124000), čym za toj ža pieryjad minułaha hoda. Litoŭskija mytniki adznačajuć, što z pačatku dziejańnia biaźvizavaha režymu niekatoryja lehkavyja aŭtamabili jeździać u Biełaruś bolš za 10 razoŭ na miesiac, piša Delfi.lt.
«My fiksujem aŭtamabili i kiroŭcaŭ, jakija jeduć praź litoŭska-biełaruskuju miažu pa niekalki abo bolš za 10 razoŭ na miesiac. Padobna na toje, što hetyja ludzi nie prosta jeździać pa bolš tannaje paliva, cyharety i inšyja tavary dla svaich patreb.
My abaviazanyja ŭličvać ryzyki nielehalnaha biźniesu, asabliva ciapier. Tamu budziem ažyćciaŭlać previentyŭnyja miery — uzmacnim kantrol žycharoŭ, jakija časta jeździać u Biełaruś, i transpartnych srodkaŭ», — skazaŭ hiendyrektar Mytnaha departamienta Darus Žvironas.
