«I tut u jaho paciakła ślina prahnaści». Ułaśnik sietki «7 Karat» raskazaŭ, jak pravučyŭ kidału na budaŭnictvie
Pavučalnaj historyjaj biznesmien Alaksiej Karahin padzialiŭsia ŭ Fejsbuku.
Adbyłosia heta pry budaŭnictvie administracyjna-handlovaha biznes-centra D16.
«My manitoryli kožnaha padradčyka pa budaŭničych rabotach (košt — pamieniej, a jakaść — vyšej). I tendary vyjhravali kampanii, jakija davali adpaviednyja prapanovy, — piša Karahin. —
Ale, jak pakazała praktyka, jany brali ŭ nas pieradapłatu na budmateryjały, u kamiersantaŭ jany brali na adterminoŭku apłaty budmateryjały (naturalna, pakazvajučy im kantrakt z nami), najmali paru ałkašoŭ dla karcinki burnaj dziejnaści. I heta doŭžyłasia miesiacami. Potym valili ŭsio na karanavirus, panos-załatuchu i inšyja adhavorki.
Naturalna, u nas usie terminy byli zavalenyja. Naša pieradapłata źnikła. Pastaŭščyki budmateryjałaŭ i naniatyja budaŭniki — kinutyja. Ja byŭ raźjušany, ale trochi zasmučany. (Jak ja pisaŭ u svajoj knizie: «U maim uzroście śpiašacca — niebiaśpiečna, niervavacca — škodna, daviarać — nierazumna, a bajacca — pozna. Zastajecca tolki žyć, pryčym u svajo zadavalnieńnie kinuć palić».)
Zdahadajciesia, jak ja pastupiŭ u hetym vypadku?
Mnie pryjšłosia nahruzić vušy hetaha nie zusim prystojnaha biznesmiena — maŭlaŭ, ja tabie addam usie astatnija pracy pa budynku i jak tolki ty adpracuješ maju pieradapłatu (kala 20000 $), to adrazu tabie zrablu nastupnuju pieradapłatu (50000 $). I tut u jaho paciakła ślina prahnaści…
Dziakuj bohu, u hetym vypadku ja vyjšaŭ u nul.
Vysnovy: nikoli nie adpraŭlajcie vialikich pieradapłat na lubyja ździełki niepravieranym kadram. Lepš pastupova pakrysie i vymiarać vyniki naniataha!»