Aktyvistku z Pružanaŭ Alenu Hnaŭk asudzili da troch z pałovaj hadoŭ kałonii
U sudzie Pružanskaha rajona vynieśli prysud 65-hadovaj palitźniavolenaj aktyvistcy Alenie Hnaŭk — try z pałovaj hady kałonii va ŭmovach ahulnaha režymu i štraf 3200 rubloŭ. Takoje rašeńnie vynies sudździa Juryj Žytko pa zapycie prakurora, paviedamlaje «Viasna».
Alenu pryznali vinavataj pa dvuch artykułach Kryminalnaha kodeksa: art. 367 (paklop na Łukašenku) i art. 369-1 (dyskredytacyja Respubliki Biełaruś) za vosieńskija pasty ŭ Facebook i Instagram pra kurdskija siemji i stanovišča mihrantaŭ u Biełarusi.
Z 2020 hoda Alenu metanakiravana praśledavali: zatrymlivali i aryštoŭvali pa administracyjnych artykułach 17 razoŭ, štrafavali ahułam na 173 bazavyja vieličyni, doma pravodzili pieratrusy, asudzili pa «spravie karahodaŭ» i za abrazu Łukašenki pa kryminalnych artykułach. Pad vartaj Alena ŭtrymlivajecca ŭžo piać miesiacaŭ.
