Ukrainskaja raźviedka śćviardžaje, što atrymała dostup da dakumientacyi Krymskaha mosta
Pra toje, što ŭkrainskija raźviedčyki zdabyli techničnuju dakumientacyju hetaha stratehičnaha abjekta, havorycca na staroncy Hałoŭnaha ŭpraŭleńnia raźviedki ministerstva abarony Ukrainy ŭ Fejsbuku.
Krymski most. Fota: Vikipiedyja
Aŭtary paviedamleńnia iranična zaŭvažajuć:
«U najbližejšym atačeńni Pucina zajaŭlajuć pra «harantavanuju» biaśpieku «Krymskaha mosta». Śpikier Kramla Dźmitryj Piaskoŭ śćviardžaje, što vajskoŭcy RF całkam kantralujuć situacyju. Zrešty, ciažka surjozna stavicca da zajavaŭ ab poŭnaj biaśpiecy ludziej, jakija nie zdolnyja zabiaśpiečyć zachavańnie techničnaj dakumientacyi stratehičnaha abjekta».
Ukrainskaja raźviedka śćviardžaje, što ŭ jaje jość usia techničnaja dakumientacyja, źviazanaja z mostam: jaho infrastruktura, schiemy źjezdaŭ i zajezdaŭ, uładkavańnie apor, reljef miascovaści. Dakumient abjomam u 242 staronki navat vykładzieny ŭ ahulny dostup u Sieciva.
Raniej ukrainski hienierał-major Dźmitryj Marčanka nazvaŭ Krymski most «cellu numar adzin dla paražeńnia», pakolki pa im z Rasii iduć vajskovyja reziervy ŭ akupavany Krym.
Kiraŭnik MZS RF Siarhiej Łaŭroŭ siońnia adznačaŭ, što Rasija «biare na zamietku» pahrozy atakavać most.
