Brytanskaja raźviedka: dla pośpiechu ŭ Danbasie Rasii treba farsiravać reki, ale ŭ jaje heta drenna atrymlivajecca
Epicentram supraćstajańnia USU i rasijskich vojskaŭ zastajecca Sievieradanieck, bai za horad praciahvalisia na vychadnych.
U najbližejšyja miesiacy farsiravańnie rek, vierahodna, stanie adnym z najbolš važnych, vyznačalnych faktaraŭ u chodzie vajny, havorycca ŭ śviežaj spravazdačy brytanskaj vajennaj raźviedki.
Centralny i klučavy ŭčastak frontu rasijskaj armii praciahłaściu 90 kiłamietraŭ raźmieščany na zachad ad raki Sievierski Daniec. Dla dasiahnieńnia pośpiechu na ciapierašnim apieratyŭnym etapie nastupleńnia na Danbas Rasii daviadziecca abo pravodzić ambicyjnyja fłanhavyja manieŭry, abo vyrašycca na farsiravańnie raki.
Da hetaha času ŭkrainskim siłam časta ŭdavałasia razburyć masty pierad adstupleńniem. U toj čas jak Rasija sprabavała naładzić składanuju kaardynacyju, nieabchodnuju dla praviadzieńnia paśpiachovych bujnamaštabnych pierapraŭ praz reki pad abstrełami.
