Ukraina stvaryła dla ekspartu zbožža maršruty praz Polšču i Rumyniju
Ukraina raspracavała maršruty praz Polšču i Rumyniju dla ekspartu zbožža, zajaviŭ namieśnik ministra zamiežnych spraŭ Ukrainy Dźmitryj Sienik. Pra heta paviedamlaje Reuters. Akramia taho, ukraincy viaduć pieramovy z krainami Bałtyi ab stvareńni i treciaha kalidora dla ekspartu praduktaŭ charčavańnia.
«Hetyja maršruty nieidealnyja, ale my robim usio mahčymaje, kab raźvivać ich», — skazaŭ ukrainski dypłamat u kułuarach azijackaha samitu pa biaśpiecy ŭ Sinhapury.
Sienik adznačyŭ, što na terytoryi Ukrainy zachoŭvajecca ciapier da 30 młn ton zbožža, jakija treba ekspartavać.
Raniej prezident Ukrainy Uładzimir Zialenski raskazaŭ, što razbłakavać ukrainskija party dapamahajuć Turcyja, Vialikabrytanija, Kanada, AAN i inšyja jeŭrapiejskija krainy. Taksama jon padčas svajho vystupu ŭ Sinhapury vykazaŭsia pra nastupstvy charčovaha kryzisu i vajny va Ukrainie.
