Danija praciahnie vydavać vizy biełarusam
Na toje, što Danija paru tydniaŭ tamu spyniła vydaču vizaŭ dla biełarusaŭ, źviarnuła ŭvahu na siońniašniaj sustrečy ź ministram zamiežnych spraŭ Danii Jepe Kofadam Śviatłana Cichanoŭskaja. Ministr zapeŭniŭ jaje, što vizy datčanie praciahnuć vydavać. Ciapier šukajuć mahčymaści rabić heta ŭ Minsku, a pakul biełarusy mohuć źviartacca pa vizy ŭ inšych krainach, pra što ŭžo źjaviłasia infarmacyja na staroncy dackaha MZS.
Śviatłana Cichanoŭskaja i Jepe Kofad. Fota z Tvitara MZS Danii
Taksama Jepe Kofad zapeŭniŭ, što Danija praciahnie padtrymlivać biełaruskija kulturnyja inicyjatyvy ŭ miežach dackaha Novaha fondu demakratyi i finansavać Mižnarodnuju płatformu pa pryciahnieńni vinavatych da adkaznaści.
Akramia taho, ministr zamiežnych spraŭ Danii paćvierdziŭ, što jahonaja kraina nie padtrymlivaje ideju źniaćcia sankcyj z režymu Łukašenki ŭzamien za mahčymaść tranzitu zbožža z Ukrainy.
