Aleh Hajdukievič pajechaŭ u Danieck i Maryupal
Deputat Pałaty pradstaŭnikoŭ spačatku apublikavaŭ u siabie ŭ Fejsbuku karotkaje videa, zapisanaje ŭ Daniecku.
U im jon śćviardžaje, što pryjechaŭ tudy ŭ jakaści kiraŭnika delehacyi ŁDPB.
«My znachodzimsia ŭ centry Daniecka, — kaža Hajdukievič na apublikavanym videa. — Litaralna za niekalkich sotniaŭ mietraŭ ad nas učora (tut žyvuć mirnyja ludzi) lacieli rakiety. My abaviazkova pahladzim usio na svaje vočy, u nas hanarovaja misija. Vielmi pryjemnaja, u tym liku i humanitarnaja. My pahladzim usio sami».
Paźniej Hajdukievič padzialiŭsia fota z zachoplenaha Maryupala, kudy jon pryvioz humanitarnuju dapamohu. Pa jaho słovach, ludzi biehli pa dapamohu. «Pieršaje ŭražańnie — što ŭ ludziej vialikaja pavaha da Biełarusi i tych miratvorčych vysiłkaŭ, što prykładaje Biełaruś na praciahu mnohich hadoŭ u rehijonie. Strašna hladzieć, jak žančyny, dzieci, jakija sapraŭdy chočuć spakojna mirna žyć».
