Nad ryžskaj ratušaj padniali biełaruski ściah. U cyrymonii ŭziała ŭdzieł Cichanoŭskaja
8 červienia nad ratušaj Ryhi byŭ uźniaty bieła-čyrvona-bieły ściah. Cyrymoniju praviała Śviatłana Cichanoŭskaja razam z meram łatvijskaj stalicy Marcińšam Stakisam. Videa apublikavaŭ u sacsietkach Anatol Labiedźka.
Skrynšot ź videa
Cichanoŭskaja siońnia pačała pracoŭny vizit u Łatviju, padčas jakoha zapłanavanyja jaje sustrečy z prezidentam krainy Ehiłsam Levitsam i premjer-ministram Kryšjanisam Karyńšam. Taksama jana praviadzie pieramovy sa śpikieram łatvijskaha Siejma Inaraj Murnijecie, ministram zamiežnych spraŭ Edharsam Rynkievičsam. Cichanoŭskaja pavinna vystupić sa zvarotam da deputataŭ łatvijskaha Siejma.
Mer Ryhi Marcinš Stakis nie pieršy raz adznačajecca ŭdziełam va ŭźniaćci biełaruskaj nacyjanalnaj simvoliki. U 2021 hodzie padčas čempijanatu śvietu pa chakiei ŭ Ryzie Stakis vyviesiŭ bieła-čyrvona-bieły ściah zamiest čyrvona-zialonaha na płoščy, dzie byli vyviešanyja ściahi krain-udzielnic turniru. Paśla hetaha ŭ Biełarusi ŭ dačynieńni da Stakisa navat raspačali kryminalnuju spravu, a ź Minska amal poŭnym składam vysłali ambasadu Łatvii.
