Rasija prydumała schiemu, jak realizoŭvać kradzienaje ŭkrainskaje zbožža Turcyi
RF vykarystoŭvaje padroblenyja dakumienty, kab realizoŭvać pradukcyju.
Rasija prydumała schiemu, jak realizoŭvać kradzienaje ŭkrainskaje zbožža Turcyi. Pradukcyju spačatku transpartujuć u party RF, a potym viazuć na prodaž z padroblenymi dakumientami. Hetaj infarmacyjaj padzialiŭsia pasoł Ukrainy ŭ Turcyi Vasil Bodnar u intervju partału «Ukrinfarm».
«Zbožža zavoziać aŭtatranspartam u Sievastopal, adkul vyvoziać karablami ŭ rasijskija party, paśla čaho jano ŭžo idzie pa padroblenych dakumientach, jak rasijskaje ziernie. Kali b jano zachodziła pa dakumientach ź Sievastopala abo Chiersona, nichto b jaho nie prymaŭ. Pakolki robiać vyhlad, što zavoziać z Krasnadara abo Navarasijska, to dla tureckich orhanaŭ parušeńnia niama. Heta stvaraje niebiaśpiečny precedent. I my pavinny takija dziejańni RF spynić», — zajaviŭ Bodnar.
Pa słovach ambasadara, ukrainski bok fiksuje i dakumientuje kožny vyparak kradziažu zbožža. Kijeŭ užo adpraviŭ Ankary pieralik sudnaŭ, jakija vykarystoŭvajucca Rasijaj i trecimi asobami dla nielehalnaha ekspartu skradzienaj pradukcyi, u tym liku ŭ tureckija party. Ankara paabiacała pryniać heta pad uvahu i razabracca ŭ situacyi.
