Rasija viarnuła Ukrainie bolš za 50 ciełaŭ bajcoŭ z «Azoŭstali»
Pavodle infarmacyi ahienctva Associated Press, Rasija pačała pieradaču ciełaŭ ukrainskich bajcoŭ, jakija zahinuli na terytoryi mietałurhičnaha zavoda «Azoŭstal» u Maryupali.
Raniej užo paviedamlałasia, što Kijeŭ i Maskva ažyćciavili pieršy aficyjny abmien zahinułymi, padčas jakoha kožny z bakoŭ pieradaŭ inšamu 160 ciełaŭ. Pres-sakratarka pałka «Azoŭ» Hanna Hałaŭko paćvierdziła, što siarod ich byli zahinułyja na «Azoŭstali».
Pavodle jaje słoŭ, razmova idzie sama mieniej pra 52 cieły azoŭcaŭ. Dziasiatki ciełaŭ užo dastaŭlenyja ŭ Kijeŭ. Pačaty praces identyfikacyi praz analiz DNK.
Taksama heta paćviardžajuć svajaki bajcoŭ «Azova», jakija ŭžo atrymali cieły svaich rodnych.
Kolki ŭsiaho čałaviek zahinuła na terytoryi zavoda, da hetaha času nieviadoma.
