Cichanoŭskaja: U biełaruskija bataljony va Ukrainie padalisia 1500 čałaviek
Pra kolkaść biełaruskich dabraachvotnikaŭ Śviatłana Cichanoŭskaja raskazała ŭ intervju haziecie Corriere della Sera.
Fota: th-kanał pałka Kalinoŭskaha
Cytaty adtul pryvodzić Reform.
«Kali pačałasia vajna, mnohija ŭ Biełarusi mierkavali, što my pavinny dapamahčy ŭkraincam, tamu byŭ arhanizavany bataljon. U ciapierašni čas heta 1,5 tysiačy čałaviek. Na samaj spravie, jon nie adzin: ich niekalki ŭ roznych haradach, pad nahladam ukrainskaj armii», — raspaviała palityk.
Na pytańnie pra mahčymaje papaŭnieńnie šerahaŭ biełaruskich dobraachvotnikaŭ jana adkazała śćviardžalna.
«Mnohija ŭ Biełarusi chočuć dapamahčy Ukrainie i ŭ ciapierašni čas prachodziać navučańnie ŭ inšych krainach. Kolki ich i dzie jany znachodziacca, mnie nie dazvalajecca kazać. Časta heta ludzi, jakija majuć patrebu ŭ navučańni, tamu što ŭ ich niama vopytu vajny. Ale, napeŭna, kolkaść biełaruskich bajcoŭ na baku Ukrainy budzie raści», — adznačyła Cichanoŭskaja.
