Praciahvajecca kryvavaja bitva za Sievieradanieck, ukraincy pierajšli ŭ kontrnastupleńnie
Rasijskija vojski praciahvali nastupleńnie na praciahu niekalkich tydniaŭ, i zdavałasia, što zdača horada praktyčna niepaźbiežnaja — heta tolki pytańnie času. Adnak siońnia kiraŭnik Łuhanskaj abłasnoj vajennaj administracyi Siarhiej Hajdaj upieršyniu zajaviŭ, što situacyja mianiajecca, piša Bi-bi-si.
Fota z telehram-kanała Siarhieja Hajdaja
Pavodle słoŭ Hajdaja, abaroncy Sievieradaniecka advajavali prykładna piatuju častku horada — i mohuć utrymlivać jaje.
«Jak tolki ŭ nas budzie dastatkova zachodniaj zbroi dalokaha radyusu dziejańnia, my adsuniem ich artyleryju ad našych pazicyj. I tady, paviercie mnie, rasijskaja piachota prosta pabiažyć», — zajaviŭ jon.
Bitva za Sievieradanieck — heta nie prosta vajennaja bitva. Hety horad maje vialikaje stratehičnaje i simvaličnaje značeńnie. Kali Sievieradanieck udasca ŭtrymać, heta budzie hrandyjoznaja pieramoha ukraincaŭ — pieramoha, jakaja moža paŭpłyvać na zychod hetaj vajny, adznačaje karespandent Bi-bi-si.
