Sanatoryj «Biełaruś» u Druskienikach zvalniaje 51 supracoŭnika
Sanatoryj «Biełaruś» u horadzie Druskieniki, jakim kiruje Biełaruś, zvalniaje šostuju častku pracaŭnikoŭ. Ab płanavanym zvalnieńni 51 supracoŭnika sanatoryj paviedamiŭ Słužbie zaniataści.
Fota: Romas Sadauskas, Delfi
Pa dadzienych Fondu sacyjalnaha strachavańnia, u hety čas na pradpryjemstvie pracuje 298 čałaviek. Pradstaŭnica Słužby zaniataści Miłda Jankaŭskajte paviedamiła BNS ab tym, što zvalnieńnie ŭzhodnienaje z prafźviazam pracaŭnikoŭ sanatoryja.
«Papiaredžańnie atrymaŭ 51 pracaŭnik. Ich apaviaścili ab skasavańni pracoŭnaj damovy ź inicyjatyvy pracadaŭcy bieź viny rabotnika», — raspaviała BNS Jankaŭskajte.
Jana adznačyła, što bolšaść pracaŭnikoŭ, što buduć zvolnienyja, pracujuć u škole, u lekarskich i finansavych padraździaleńniach. Siarod tych, što atrymali papiaredžańnie, bolš za ŭsio prybiralščyc, sanitarak, nastaŭnikaŭ, vychavalnikaŭ, kineziterapieŭtaŭ.
U śniežni 2020 hoda, praz uviedzienyja Jeŭraźviazam sankcyi ŭ dačynieńni da Biełarusi, bank Swedbank zamaroziŭ rachunki sanatoryja, jany byli razbłakavanyja ŭ lipieni minułaha hoda.
