U Biełarusi sfarmirujuć infarmacyjny śpiecnaz
«Drenna pracujem na infarmacyjnym poli», zajaviŭ siońnia Łukašenka na sustrečy z žurnalistami.
«Drenna pracujem (na infarmacyjnym poli). Tamu niadaŭna ŭ Minabarony byŭ, i niadaŭna pravodziŭ naradu z nahody infarmacyjnych, psichałahičnych i inšych apieracyj i hetak dalej. Pakul my nie daciahvajem, — adznačyŭ Alaksandr Łukašenka. — Usie vy budziecie zajmacca hetym sumlenna. Majo patrabavańnie było adno — heta nie pavinny być fejki».
Jon pahadziŭsia, što ludziej bolš čaplajuć jarkija malunki i hučnyja zdareńni, jakija paśla akazvajucca fejkami. U Biełarusi, padkreśliŭ jon, hetym zajmacca nie buduć. «My ciapier farmirujem hety «śpiecnaz». Ale biez vas ničoha nie zrobim, — źviarnuŭsia Łukašenka da žurnalistaŭ. — Siła ŭ praŭdzie. Usio roŭna praŭda pieramahaje».
