Kiraŭnik Sievieradaniecka: 60% žyłoha fondu razburana, da 90% budynkaŭ paškodžanyja
Sievieradanieck, jaki staŭ paśla zachopu Łuhanska administracyjnym centram vobłaści, znachodzicca pad abstrełami rasijskich vojskaŭ užo niekalki tydniaŭ, adnak u apošnija dni nacisk rasijskich vojskaŭ uzmacniŭsia.
Kiraŭnik vajenna-haradskoj hramadzianskaj administracyi Sievieradaniecka Alaksandr Struk paviedamiŭ, što ŭ haradski hatel «Mir» pranikła rasijskaja dyviersijna-raźviedvalnaja hrupa, adnak horad praciahvaje akazvać supraciŭ.
«60% žyłoha fondu Sievieradaniecka razburana, 85-90% budynkaŭ horada paškodžany, i buduć mieć patrebu ŭ kapitalnym adnaŭleńni», — adznačyŭ Struk.
«Žychary Sievieradaniecka ŭžo zabylisia, kali ŭ horadzie choć by na paŭhadziny ŭstaloŭvałasia cišynia. Rasijanie bjuć pa žyłych kvartałach bieśpierapynna», — paviedamiŭ kiraŭnik Łuhanskaj AVA Siarhiej Hajdaj.
Ludzi sprabujuć vyjechać ź Sievieradaniecka i prylehłaha da jaho Lisičanska, ale heta ciažka zrabić.
«Trasa «Bachmut — Lisičansk» abstrelvajecca, USU robiać usio nieabchodnaje dla taho, kab trasa stała biaśpiečnaj, ciapier ruch pa trasie mahčymy, ale vielmi niebiaśpiečna», — paviedamiŭ Struk.
Za minuły dzień ź Lisičanska evakujavalisia ŭsiaho 12 čałaviek.
Pavodle źviestak kiraŭnika Sievieradaniecka, u horadzie naličvajecca nie mienš za paŭtary tysiačy zahinułych. Usiaho tam ciapier zastajecca kala 12-13 tys.čałaviek.
