Kiraŭnica MZS Brytanii: Śviet nie pavinien paddavacca na šantaž Pucina
Kiraŭnica brytanskaha MZS vystupiła z rezkaj krytykaj dziejańniaŭ rasijskaha lidara. Hety vystup prahučaŭ na fonie prapanoŭ šerahu ŭpłyvovych zachodnich palitykaŭ i kamientataraŭ pačać pieramovy z Rasijaj i być hatovymi sastupić joj niejkija terytoryi Ukrainy.
Fota DPA
Adkazvajučy na pytańnie ab tym, ci padtrymlivaje jana admienu sankcyj u abmien na ekspart zbožža z Ukrainy, Liz Tras abvinavaciła prezidenta Rasii Uładzimira Pucina ŭ tym, što jon šantažuje śviet, patrabujučy vykup za ježu.
«Aburalna, što Pucin sprabuje patrabavać u śvietu vykup, i jon, pa sutnaści, vykarystoŭvaje hoład i niedachop ježy siarod samych biednych ludziej va ŭsim śviecie».
Taksama brytanski dypłamat vykazałasia nakont mahčymaha źniaćcia sankcyj.
«Nie moža być nijakaha źniaćcia sankcyj, nijakaha prymireńnia, heta tolki zrobić Pucina ŭ doŭhaterminovaj pierśpiektyvie jašče macniejšym», — cytuje ahienctva «Rejters» brytanskaha ministra.
