AAN: Zapasaŭ pšanicy ŭ śviecie zastałosia na 10 tydniaŭ
«Siońniašnija ŭmovy horšyja, čym u 2007 i 2008 hadach. Ciapier nazirajecca samy nizki ŭzrovień zapasaŭ zbožža, jaki kali-niebudź bačyŭ śviet»», — adznačyła ekśpiert AAN pa pytańniach charčovaj biaśpieki Sara Mienkier.
U śviecie, pa źviestkach AAN, zastałosia zapasaŭ pšanicy na składach ŭsiaho na 10 tydniaŭ z-za vajny va Ukrainie i z-za taho, što Indyja ŭ apošnija tydni zabaraniła ekspart pšanicy.
«Ja chaču pačać z taho, što naŭprost skažu, što rasijska-ŭkrainskaja vajna nie stała pryčynaj kryzisu charčovaj biaśpieki. Heta prosta padliło aleju ŭ ahoń, jaki daŭno tleŭ. Kryzis, jaki my vyjavili zadoŭha da pandemii COVID-19, kaža pra ŭraźlivaść našych łancužkoŭ pastavak», — skazała Mienkier.
Jana dadała, što «navat kali vajna skončycca zaŭtra, naša prablema charčovaj biaśpieki nie źniknie ŭ najbližejšy čas biez uzhodnienych dziejańniaŭ».
«Siońniašnija ŭmovy horšyja, čym u 2007 i 2008 hadach. Važna adznačyć, što ŭ ciapierašni čas nazirajecca samy nizki ŭzrovień zapasaŭ zbožža, jaki kali-niebudź bačyŭ śviet, u toj čas jak dostup da uhnajeńniaŭ mocna abmiežavany, a zasucha ŭ rehijonach, dzie vyroščvajuć pšanicu, źjaŭlajecca samaj ekstremalnaj za apošnija 20 hadoŭ. Anałahičnyja prablemy z zapasami taksama adnosiacca da kukuruzy i inšych zbožžavych», — adznačyła Mienkier.
Na minułym tydni dziaržsakratar ZŠA Entani Blinkien abvinavaciŭ Rasiju ŭ błakavańni ekspartu pšanicy z Ukrainy, što Rasija kateharyčna admaŭlała. Blinkien śćviardžaŭ, što Maskva vykarystoŭvaje pšanicu ŭ jakaści zbroi dla viadzieńnia vajny.
Pa źviestkach CNN, ZŠA i Jeŭropa pracujuć nad płanami pa vyvazie zbožža z Ukrainy. Kanada taksama hatova dapamahčy ŭ hetym pracesie. Niadaŭna Ukraina dałučyłasia da padpisańnia darožnaj karty pa charčovaj biaśpiecy i naładziła dva suchaputnych maršruty dla transparciroŭki pradukcyi.
Čytajcie taksama:
AAN: Biez ukrainskaha zbožža śviet čakaje hoład
Niahledziačy na vajnu, ukraincy zasiejali ŭžo 90 pracentaŭ pasiaŭnych płoščaŭ
Z-za rasijskaha ŭvarvańnia va Ukrainu rastuć ceny ŭ Afrycy
