Akupavana 95% Łuhanščyny, situacyja na Danbasie nadzvyčaj kiepskaja — kiraŭnik Łuhanskaj vobłaści
Staršynia Łuhanskaj abłasnoj vajennaj administracyi Siarhiej Hajdaj paviedamiŭ, što zaraz akupavana 95% terytoryi vobłaści. Pa jaho słovach, situacyja na Danbasie ciapier vielmi kiepskaja.
Trasa Lisičansk—Bachmut. Fota z kanała Siarhieja Hajdaja
«Akupavana 95% terytoryi Łuhanskaj vobłaści. Situacyja na Danbasie — nadzvyčaj drennaja. Łuhanščyna praciahvaje strymlivać ardu, jakaja źniščaje našy nasielenyja punkty. Abstreły nie spyniajucca naohuł», — napisaŭ kiraŭnik Łuhanščyny.
Pa jaho słovach, trasa Lisičansk—Bachmut abstrelvajecca. 24 maja varožaja dyrviersijna-raźviedvalnaja hrupa vyjšła na darohu, była pierastrełka, akupantam udałosia navat pastavić svaje błok-pasty, ale 25 traŭnia daroha nie pierakrytaja i ŭdałosia zavieźci humanitarnyja hruzy.
Hajdaj dadaŭ, što Sievieradanieck nie akružany, a ŭ horadzie i vioskach miascovaj hramady zastajucca da 15 tysiač žycharoŭ. Usiaho na padkantrolnaj ukrainskim abaroncam Łuhanščynie ciapier, pa słovach kiraŭnika AVA — bolš za 40 tysiač čałaviek, ź ich 99% vyjazdžać nikudy nie chočuć.
