Biełaruskaje vojska nabyvaje 20 tysiač žetonaŭ, jakija dazvalajuć identyfikavać asobu zahinułych
Na sajcie dziaržzakupak źjaviŭsia tendar na zakupku 20 tysiač indentyfikacyjnych žetonaŭ dla vajskoŭcaŭ, jaki pravodzić Ministerstva abarony Biełarusi. Košt zakupki aceńvajecca ŭ 10 800 rubloŭ. Na heta źviarnuŭ uvahu telehram-kanał Antona Matolki.
U dakumientach da tendera skazana, što žeton vyrablajecca z aluminijevaha spłavu ŭ vyhladzie pramavuholnaj płaścinki z zakruhlenymi kutami, nadpisam «US Biełarusi», a taksama sieryjaj, numaram i tablicaj hrupy kryvi i rezus-faktaraŭ.
Takija žetony vydajucca tym vajskoŭcam, jakija słužać pa kantrakcie, a taksama aficeram zapasu.
Pavodle sajta Ministerstva abarony, u krainie pa kantraktu słužać 7 tysiač vajskoŭcaŭ.
Anton Matolka adznačaje: «Kali vykazać zdahadku, što hetyja žetony pryznačajucca dla kantraktnikaŭ, to atrymlivajecca, što zakuplajuć u try razy bolš za ŭsiu kolkaść vajskoŭcaŭ pa kantrakcie va US Biełarusi. Taksama heta moža być i prosta zamiena starych žetonaŭ na novyja i zakupka ŭ zapas».
