U Połacku ŭ mužčyny vyciahnuli z mašyny 105 tysiač rubloŭ
U Połacku 37-hadovy miascovy žychar staŭ achviaraj złodziejaŭ i pazbaviŭsia bujnoj sumy hrošaj. U jaho z mašyny vyciahnuli pakiet z valutaj i biełaruskimi banknotami na amal 105 tysiač rubloŭ. Złačynstva było spłanavana zahadzia, paviedamlaje UUS Viciebskaha abłvykankama.
Fota UUS Viciebskaha abłvykankama
Zaŭvažyŭšy źniknieńnie hrošaj, pałačanin zajaviŭ u milicyju. I ŭžo praź niekalki hadzin apieratyŭniki zatrymali padazravanych. Heta byli dva 39-hadovyja miascovyja žychary.
Jak śćviardžaje UUS, mužčyny viedali, što ŭ paciarpiełaha jość hrošy i ŭsio spłanavali. Niekalki hadzin jany sačyli za jahonaj mašynaj, a kali źjaviłasia mahčymaść, to skrali hrošy, padzialili ich i razyšlisia.
Padazravanych zatrymali paasobku, patracić hrošy jany nie paśpieli. Kala adnaho doma znajšli, akramia hrošaj, jašče i abojmu ad pistaleta Makarava z bajavymi patronami.
U dačynieńni da mužčyn zaviedzienaja kryminalnaja sprava ab kradziažy pa č. 4 art. 205 KK, taksama pravodzicca pravierka adnosna znojdzienych patronaŭ.
