Va Ukrainie zahinuŭ hienierał-major vajskova-pavietranych sił Rasii ŭ adstaŭcy Kanamat Batašaŭ
Pra heta paviedamili BBC na ŭmovach ananimnaści troje jaho byłych padnačalenych.
Batašaŭ — samy vysokapastaŭleny rasijski lotčyk, pra hibiel jakoha na vajnie stała viadoma. Jon byŭ kamandziram avijacyjnaha pałka, ale ŭ 2012 hodzie jaho abvinavacili ŭ krušeńni źniščalnika, kiravać jakim jon nie mieŭ prava, i asudzili na čatyry hady ŭmoŭna.
Batašavu było 63 hady. Jakim čynam jon staŭ vykonvać bajavyja zadańni va Ukrainie, niezrazumieła — surazmoŭcy miarkujuć, što jon «prosta nie zmoh zastacca ŭbaku».
22 traŭnia Hienštab USU paviedamiŭ pra źbity ŭ niebie nad Łuhanskaj vobłaściu rasijski šturmavik Su-25. Jaho piłot nie paśpieŭ katapultavacca. Adzin z sasłužyŭcaŭ Batašava paćvierdziŭ BBC, što adstaŭny hienierał vykonvaŭ zadańni va Ukrainie mienavita na Su-25.
Pavodle adkrytych krynic, žurnalistam viadoma pra hibiel najmieniej 31 rasijskaha vajskovaha lotčyka.
